Sex a la Bamba

Mundart-Folkrock aus Niederbayern

Bayerisch-laut: Des is des Motto der fast scho weltweit, naja zumindest landkreisweit, bekannten Mundart-Folkrock-Band SEX Á LA BAMBA aus Triftern, Nähe Niederbayern.

Mia san vier Musiker, de mid Herz, Verstand und Leidenschaft bei da Sach san – und unser Ziel is ganz klar: Mia woin Muse spuin! Mia woin gemeinsam mid eich Festl feiern, wie ma’s scho lang nimmer gmacht ham. Aiso nix wie los: #unddahigäds!

TROMMELWIRBEL…………………………………………..
Mia warn natürlich de letzten Monate ned untätig oder ham dem Bierkonsum gefröhnt – ganz und gar ned. Wir warn richtig fleißig und gfrein uns sakrisch, eich unser neis Programm vorzumstelln.

PHOENIX AUS DER FLASCHE

Mid neie Songs und a bo Klassiker breit ma unsare Schwingen aus und steing – wie a majestätischer Phönix – aus der (Fl)aschn empor! Seid’s dabei, wenn ma wieder so richtig durchstartn und gemeinsam mid eich die Buden beben lossn.

Genre:
Bayerisch-laut!

Unsere Typen

Andi

Saitenfuchser und Gesangsunikat

Stichwort “Solo Geilo 1” am Pedalboard: Da Andi is a Musiker aus Leib und Seele – und des merkt ma an allen Ecken und Enden. Er feilt gern stundenlang an seine Riffs, um einfach des Beste aus am Song rauszumkitzeln. Aber klar, wenn ma scho vui Zeit ins Schreiben investiert, muas a einfach wos Guads dabei aussakemma. De leicht kratzige Stimm, Schweißperlen auf da Nosn und de ganz persönliche Bindung zu jedm Song machan aus erm einfach an geilen Musiker.

Jakob

Bassmaschin

Dass a geiler Basslauf drüber entscheidt, ob a Song wirklich guad is oder ned, woas ma spätestens, wenn ma oamoi “Another One Bites The Dust” von Queen gherd hod. Da Jakob is so a Entscheider. Erst wenn a während am Spuin zum Grinsen ofangd, is a mid am Song zufriedn. Bis zu dem Zeitpunkt probiert a ständig rum und schaut, wie a des Liadl mit seim Bass zur Perfektion bringa kann. Und wenn der Moment kemma is, genau dann is a in seina Welt und gibt richtig Voigas!

Magdalena

Hand-Keyboard und zwoate Stimm

Probiern geht über studiern – des is da Magdalena ihr Motto. Wenn a neia Song probiert wird, wart sie einfach, bis da Rest afangd zum Spuin und suacht dann spontan a zwoate Stimm oder a Melodie auf da Melodica. Dann wird gefeilt, bis ois perfekt zambassd und a richtig geiler Song entsteht! Wenns dann d’Augn beim Spuin zuamocht, dann is im Flow und genießt. Und wer glaubt, dass sie schwa hod, sich ois Mädl unter de ganzn Mana durchzumsetzn, der kennd’s einfach ned guad gnua.

Constantin

alias “Corbe” – Herr der Trommeln

Beim Corbe kann ma fast scho song, dass a seit Kindheitstagen a Bamba is. Gloana Funfact: Er is mid seim Baba scho ois gloana Bua auf Bamba-Konzerte gfohn und hod des Bandfeeling inhaliert. Desweng schafft as jetzt a, jedem Song mit seine ausgfuchstn Drum-Skills no de Kirsche auf d’Sahne zum setzn. Ausgfeilte Fills, a geile Doublebass – und scho geht’s dahi! Und wer wissen mecht, wie da Corbe eigentlich zu seim Spitznamen kemma is, der frogd na am bessan einfach beim nächsten Gig.

Kontakt

Wir gfrein uns über jede eurer Anfragen! Ruaft’s uns einfach a oder schreibt’s an digitalen Briaf oder probiert’s es vo uns aus a mid Rauchzeichen – Hauptsach wir hern vonanand und starten a bo geile Projekte!

SEX Á LA BAMBA
Aruafa: 0160/7753191
Digitaler Briaf: rock-alabamba@gmx.de

Wenn ihr uns zwischendrin vermisst’s

Bsuacht’s und head’s uns gern jederzeit auf de ganzen sozialen Gschichten oder bei bekannte Museanbieter.

MENU